SANTIAGIO DE CHILE, AP.- Visepresidente Pence a pidi Chile pa kibra relashon diplomátiko i komersial ku Norkorea. E paisnan aki no tin relashon pleno, pero mas bien sedenan diplomátiko konkurente. Por ehèmpel, e representashon chileno na Norkorea ta funshoná den embahada chileno na China.
Bachelet a kòrda ku Chile a ekspresá su “preokupashon pa e programa di arma nuklear di Nokrorea” den diferente foro internashonal.
E interkambio komersial entre ámbos pais ta mínimo, ya ku esaki a yega solamente 27 mion dòler, di kual dos mion ta representá e importashonnan chileno i 25 mion dòler sobrá ta wòrdu eksportá pa Norkorea pa e pais Suramerikano.
Visepresidente merikano Mike Pence a hasi su biahe den Latinoamérika mas kòrtiku pa e por uni ku presidente Donald trump den un reunion riba Norkroea.
Kas Blanku a anunsiá ku Pence lo biaha pa Camp David ku e presidente djabièrnè pa un enkuentro kue ekipo di seguridat nashonal di Kas Blanku kaminda ta diskutí e strategia pa sur di Asia.
Pence mester a regresá su pais djabièrnè atardi, pero te ainda esaki tin planiá di pasa djaweps.
Ainda Pence mester biaha pa Panamá, kaminda e ta reuní ku presidente di e pais aki.
