LIMA, PERU, AFP.- Perú a deklará un estado di emergensia nashonal meimei di protestanan violento kontra retiro di eks presidente Pedro Castillo ku a laga shete morto.
E anunsio a sosodé na momentu ku un hues a duna òrdu pa Castillo keda den prizòn pa akusashonnan di rebelion i konspirashon 48 ora mas promé ku e kaso di su liberashon.
E protestanan i blokeonan di kareteranan den e pais kompleto a kontinuá djárason despues di Castillo su aresto siman pasá pa purba disolvé Kongreso i goberná via un dekreto.
E minister di Defensa, Alberto Otarola a anunsiá e estado di emergensia nobo durante 30 dia pa “aktonan di vandalismo i violensia i blokeo di kareteranan”.
El a bisa ku e medida ta impliká “suspenshon di libertat di sirkulashon i reunion” i por inkluí un toke de keda anochi tambe.
E presidente nobo, Dina Boluarte, a bolbe purba suavisá e tenshonnan dor di antisipá elekshon, e biaha aki den desèmber 2023, na lugá di 2024.
Siman pasá, un hues a duna òrdu pa detené Castillo durante shete dia i e lo a keda liberá awe. Sinembargo, fiskalnan a presentá un petishon pa tene den prizòn preventivo durante 18 luna.
