LONDON, REINO UNI, AFP.- Kuater persona a muri despues ku un boto chikitu kompletamente yen ku inmigrante a bòltu den Kanal Ingles mardugá, segun indikashon di Gran Bretaña djárason.
Desénas mas a keda reskatá den awa den un operashon di reskatá na gran eskala ku a involukrá servisio di emergensia di Reino Uní i Fransia.
E promé minister Rishi Sunak, ku ta hasiendo esfuersonan pa evitá ku un kantidat rèkòrt di inmigrante ta purba krusa, a deskribí e insidente komo un “pèrdida trágiko di bida humano”.
Den un deklarashon konhunto, e minister di Interior franses, Gerald Dermanin i di Reino Uní, Suella Braverman a bisa ku e mortonan ta un “rekordatorio urgente pa destruí e sistema komersial di trafikantenan di personanan”.
Vários a kritiká e gobièrnu pa e insidentenan pero e bosero di Sunak a deskartá e krítikanan komo inapropiá. “E gobièrnu ta aktuando pa resolvé e problema aki”, asina el a bisa na periodistanan.
Dermanin i Braverman a bisa ku a evitá mas ku 30.000 intento pa krusa e Kanal i mas ku 500 persona a keda arestá desde 2020.
