TEXAS, AP.- Un polis hispano di San Antonio a muri djabièrnè esaki debí na heridanan ku el a sufri ora e i su kompañero di patruya a keda ataká ku tiru pa un hòmber ku nan kier a bai interogá riba un robo, asina polis ta bisa.
E polis Miguel Moreno, veterano di 9 aña den e departamento a risibí un bala den kabes. E atakante a tira riba Moreno i su kompañero Julio Cavazos ora nan a sali patruyá anochi. Cavazos tambe a keda heridá pero el a kontestá bèk ku tiru i a trata di saka Moreno di kaminda e tiroteo tabata tumando lugá.
Cavazos a keda operá i ta spera ku e rekuperá, asina e hefe di polis William McManus a bisa den un konferensia di prensa. E pistolero a muri den e tiroteo.
E polisnan tabata patruyá den un zona na nort di e sentro di San Antonio ora nan a disidí di bai interogá dos hòmber pasobra nan tabata serka di un vehíkulo ku un persona lo a bai kuné usando forsa, asina McManus a bisa. El a sigui bisa ku e polisnan no a konsiderá e hòmbernan komo sospechoso.
