MARYLAND, AP.- Un hòmber blanku a keda tirá pa polis di Maryland despues di a menasá ku a mata su famia i kometé suisidio, ora el a mek riba e polisnan, asina outoridatnan a informá.
E bosero di polis Sherry Llewellyn a bisa ku un persona a yama e number di urgensia di 911 reportando ku un hòmber tabata bayendo e siudat di Columbia pa mata su famia i a menshoná e palabra suisidio.
Vários agente a ordená e hòmber pa e para su outo Jeep Cherokee. E hòmber a bisa e polisnan ku e tin n pistol i ku e lo tira su mes. Ora el a mek su arma den direkshon di e polisnan, un polis a tira. El a keda trasladá pa un sentro di trouma di Baltimore.
E bosero di e departamento di bombero i reskate Maria Hogg a bisa ku e hòmber a keda heridá di gravedat. E bosero di polis no a duna identidat di e hòmber blanku i tampoko a bisa di ki rasa e polis ku a tir’é ta.
