KAMPALA, UGANDA, AP.- E kantidat di morto pa e boto ku a senk den e lago Victoria, na Tanzania, a yega 127, segun e sifra ofisial publiká djabièrnè, miéntras e labornan di reskate ta siguiendo pa un segundo dia.
John Mongella, komishonado di e region di Mwanza, a indiká ku ta probabel ku e kantidat di morto ta oumentá, segun e operashonnan di búskeda i reskate ta kontinuá.
E gobièrnu ta bisa ku e fèri di pasahero MV Nyerere tabata biaha entre e islanan di Ukara i Bugolora na momentu ku esaki a senk djaweps atardi. Por lo ménos 40 persona a wòrdu reskatá.
Outoridat ta teme ku mas di 200 persona a muri”, segun informe di piskadónan i otro personanan serka, pasó e pasaheronan tabata regresando di un dia di merkado okupá, segun Godfrida Jola a indiká na The Associated Press. “Pero niun hende no sa” kuantu persona tabata na bordo. Asina e bosero di Krus Kora a agregá.
Presidente John Magufuli a pidi e pais pa keda trankil, miéntras papa Fransisco i vários lider afrikano a ekspresá nan konmoshon pa e insidente.
