MEXICO, AFP.- Presidente di México Andres Manual Lopez Obrador a akusá e organisashon mundial di Salu OMS di un desinteres den Aprobashon di e vakunanan kontra COVID-19 manera esun ruso Sputnik V ku ta keda produsí den e pais latinoamerikano.
“Ya tin hopi tempu trahando riba esaki, mi ta haña ku ta un falta di interes”, segun e mandatario a bisa den su rueda di prensa kustumbrá di mainta.
“Tratando aki di salu, ku tur rèspèt, e ta un inefisiensia”, asina el a sigui bida. Lopez Obrador a rekordá ku e tin un siman urgiendo OMS pa aprobá vakunanan manera Sputnik V i esun chines CanSino, e último aki ya den produkshon na México huntu ku esun di e laboratorio sueko britániko AstraZeneca.
Sin su aprobashon e mèksikanonan ku no a haña e inmunisashon aki lo no por drenta Merka ku ta permití entrada na e pais solamente esnan ku a risibí vakuna outorisá pa OMS.
Merka lo habri su frontera ku México, di mas di 3 mil kilometer dia 8 di novèmber, despues di tabatin esaki sera pa biahenan no esensial for di mart 2020 debí na e pandemia.
