SIUDAT DI MEXICO, AP.- Presidente mehikano Enrique Peña Nieto a sigurá djárason ku e ta tumando medidanan pa kombatí e ola di violensia kontra periodistanan, ounke e no a duna mas detaye.
Peña Nieto no a aseptá preguntanan durante un evento kaminda e mester a defendé libertat di ekspreshon i protekshon di periodistanan. E mandatario a pidi un momentu di silensio na honor di esnan ku a fayesé.
Peña Nieto tabata kompañá pa su gabinete di seguridat i vários Gobernador, dor di primintí mas rekurso pa yuda periodistanan menasá pa finansiá e prokurador spesial establesé pa investigá tipo di krímennan asin’aki. Sin embargo, medidanan tumá den pasado a resultá insufisiente pa para e ola di violensia kontra periodistanan.
E asesinato di e periodista mehikano Javier Valdez, a tuma lugá djaluna na Sinaloa, i tabata e di seis asesinato di un periodista e aña aki.
Peña Nieto a hasi un yamada tambe pa trese mihó koordinashon entre outoridat federal i estatal.