WASHINGTON, MERKA, AFP.- Presidente Joe Biden ke gasta mas pa “lucha kontra e agreshon ruso” den Ukrania i kontra krímen den Merka, i tambe subi impuesto di personanan riku, segun su proyekto di presupuesto publiká djaluna.
“E impuesto mínimo lo konta pa 0,01% di kasnan ku mas di 100 mion dòler, i mas di mitar di e entradanan lo drenta di multimionarionan”, segun indikashon di Kas Blanku den un komunikado. Esaki ta garantisá ku nan ta paga por lo ménos 20% di nan entrada den un aña.
E presupuesto di 2023 tin intenshon di oumentá tasa di impuesto pa korporashonnan na 28%, kambiando e tasa anterior di èks presidente Donald Trump (2017-2021), ku a baha e porsentahe na 21%.
