BEIRUT, LÍBANO, AFP.- Líbano su élite polítiko ta bou di preshon intenso despues di e eksploshon di siman pasá. Dos minister a renunsia i manifestantenan a klèsh ku forsa di seguridat. Outoridat no tin speransa ku lo haña mas sobrebibiente.
Ainda no ta konosí kiko a kousa e eksploshon, pero manifestantenan ta bisa ku e desaster lo no a sosodé si no ta pa korupshon i inkompetensia di e gobièrnu Líbano.
E renunsia di ministernan no ta sufisiente. Esnan ku a pone e sustansianan den e depósito mester para responsabel. “Nos kier un tribunal internashonal”.
E katástrofe a rebibá e protestanan anti gobièrnu masivo ku eksigiendo renunsia di e élite polítiko di Líbano. Pero e medidanan di lockdown a trankilisá e situashon den e pais.
