OAKLAND, CALIFORNIA, MERKA, AP.- Sentenar di personanan a sali riba kaya den vários siudat di California pa protestá kontra rasismo despues di echonan di violensia dor di manifestashon di nashonalista koló kla na Virginia.
Na Oakland, aktivistanan a skucha diskurso i despues a marcha pasivamente djasabra anochi, gritando lemanan, ku bòrchi i bandera.
Algun di e manifestantenan a blòkiá e Karetera Interestatal 580 promé ku nan a wòrdu dispersá pa outoridat segun informashon di San Fransico Chronicle.
Un di e partisipantenan tabatin un bòrchi den su man bisando: “Ban yama nan pa loke nan ta: supremasistanan blanku”.
E enkuentro, a wòrdu derivá dor di akontesimentunan algun ora promé na Virginia, kaminda un marcha supremasista koló kla a topa ku opositornan i kousa violensia. Un hòmber koló kla a kore drenta ku su vehíkulo den un multitut opositor i un muhé a muri. 20 persona a resultá heridá.
Na Los Angeles, tabatin un marcha similar ku tabata mas chikitu i ku tambe tabata pasífiko.
Alkalde: insidente na Charlottesville ta “atake terorista”
E alkalde di Charlottesville a kalifiká e dalmentu intenshonal provoká pa un shofùr koló kla komo un akto terorista. El a kore drenta den un multitut di manifestante den e siudat di Virginia.
Alkalde Mike Signer, a lamentá ku e atake a mata Heather Heyer, di 32 aña, ademas di heridá desena di persona mas, mayoria di kual a wòrdu hospitalisá. E personanan aki tabata protestando di forma pasífiko pa presentá di supremasistanan koló kla ku a reuní den e siudat pa un manifestashon. E supremasistanan a kongregá pa kondená desishon di e siudat di kita e estatua general di Robert E. Lee.
