PALM BEACH, AP.- Kantidat di manifestashon a eksihí pa e próksimo gala nan di karidat no keda ehekutá na e mansion Mar a Lago di presidente Donald Trump.
E instituto Dana Farber kontra kanser i e klínika Cleveland a risibí petishonnan pa nan kambia e lugá i kanselá nan gala nan programa pa fin di e luna aki den e sala di evento di e finka ei.
Un marcha di protesta a keda efektuá djasabra serka di e mansion Mar a Lago pa e kai pareu ku e presentashon di Trump den un akto di Krus Kòrá Internashonal na e lugá.
E mobilisashonnan ta dirigí kontra di e suspenshon ku Trump a introdusí pa refugiadonan i imigrantenan di shete pais mayoria di nan islámiko drenta e pais aki i e akshonnan di e mandatario pa desmantelá e lei di salú.
E organisadónan di e aktividatnan di karidat ta konsiderá no práktiko pa kambia e lugá òf pa kanselá e fecha ya ku ta basta lat kaba. E rekoudashon di e aktonan ei ta alkansá un mion dòler.
