HAVANA, AP.- FARC i gobièrnu kolombiano a presentá protokòlnan di paro di guera bilateral ku lo drenta na vigor na momentu ku firma e akuerdo di pas.
Esaki ta un avanse chikitu mas riba e ruta pa final di un konflikto ku tin mas di sinku dékada andando.
E dos par t inan a establesé mekanismonan pa verifiká i monitòr e paro di guera, ku entre otro ta konsiderá rekolekshon i wardamentu di arma den poder di FARC ku ta wòrdu desaroyá den tres fase kual ta na 90, 120 i 150 dia di e firmamentu di pas.
E komandante di FARC, Ivan Marquez, i delegado gubernamental Humberto de la Calle a firma e konvenio di protokòl ku ta kontené un serie di prosedimentu tékniko pa logra e paro di hostilidatnan dilanti funshonarionan di e paisnan garante kual ta Noruega i Cuba i un opservador di Nashon Uní.
E protokòlnan ta establesé e funshonamentu di 23 zona i ocho punto kaminda e rebeldenan lo konsentrá i e pasonan kronológiko ku ta keda desaroyá durante abandono di arma, transporte, wardamentu di arma i eksplosivonan.
“E pasonan menshoná, ta garantisá ku e proseso ta tuma lugá di forma transparente, safe i ku un sistema fuerte di monitòr i verifikashon”, segun De la Calle.
