MOSCOW, AP.- Presidente ruso Vladimir Putin a bisa djárason ku un konstrukshon i instalashon merikano di misil di alkanse intermedio den Europa, lo obligá Rusia pa apuntá e nashonnan kaminda esakinan ta.
E atvertensia severo tabata un kontesta riba un anunsio di presidente Donald Trump fin di siman. E presidente a indiká ku e ta konsiderando pa retirá di un pakto históriko riba kontròl di arma nuklear debí na supuesto violashonnan ruso.
Putin a rechasá e denunsia di Trump ku Rusia a violá e tratado riba Forsa Nuklear di Alkanse Intermedio 9INF) di 1987. El a indiká ku Merka ta e berdadero violadó.
Putin a ekspresá e posibilidat pa papia riba e asuntu ku Trump na Paris. Riba 11 di novèmber lo tin e sentenario Armistisio ku a pone fin na e Promé Guera Mundial, na Paris. El a agregá ku si Merka instalá e misilnan di alkanse intermedio den Europa, Rusia lo mester apuntá e paisnan kaminda esaki ta.
