MOSCOW, Rusia, AFP.- E presidente ruso Vladimir Putin a akusá miembronan di NATO di partisipá den e konflikto na Ukrania dor ku e organisashon ta entregá arma na e pais i a bisa ku Oksidente ke destruí Rusia.
“Nan ta mandando miónes di dòler pa Ukrania”. Segun Putin esaki ta nifiká ku e organisashon ta partisipando, ounke indirektamente, durante di un entrevista ku e kanal Rossiya-1 publiká djadumingu.
Putin a papia durante di un konsierto patriótiko selebrá djaweps na Moscow, algun dia promé ku e aniversario di komienso di e atake militar ruso na Kiev.
E presidente Ukraniano, Volodymyr Zelensky a bolbe primintí ku su pais lo rekuperá Crimea, un península aneksá pa Moscow na 2014.
Den un entrevista publiká djadumingu, e inteligensia militar ukraniano Vadym Skibitsky a afirmá ku Kiev ta preparando un kontra atake pa primavera. Un di e ophetivonan militar stratégiko ta pa purba rekuperá Crimea.
