MEXICO CITY, MEXICO, AFP.- E hefe di un komishon di asuntunan kultural di Mexico i e kasa di e presidente di e pais a akusá e marka di moda merikano Ralph Lauren ku plagio di diseñonan indígena.
Beatriz Gutierrez a publiká riba retnan sosial ku el a tuma nota ku Ralph “gusta diseñonan mehikano” i ku plagio ta algu ilegal i inmoral. Gutierrez ta kasá di presidente mehikano Andres Manuel Lopez Obrador.
El a publiká potrèt di un djèket ku ‘label’ di Ralph Lauren kual su diseño ta koinsidí ku esun di komunidatnan mehikano di Contla i Saltillo.
Gutierrez a agregá ku a lo ménos Ralph Lauren por rekonosé esaki, i kompensá e komunidatnan original ku ta traha nan diseñonan ku amor i no pa gana sèn.
