PARIS, FRANSIA, AFP.- Lidernan mundial a konsiderá e aktonan violento di partidarionan di Donald Trump den Capitol djárason komo “bergonsoso, impaktante i preokupante”, agregando ku esaki ta “un atake kontra demokrasia” i pidiendo pa respetá e resultado di elekshon.
E promé minister britániko Boris Johnson a bisa ku e “esena aki ta bergonsoso” i a pidi pa krea un “transishon pasífiko” pa entrega poder na e demókrata Joe Biden. Ademas, e minister di Eksterior aleman Heiko Maas a pidi tur siguidó di Trump pa stòp di “trapa riba e pais su demokrasia”.
E minister franses di Eksterior Jean-Yves Le Drian i e hefe di diplomasia europeo Josep Borrell a pidi pa respetá e resultado di elekshon presidensial i tambe a akusá e “asalto sin presedente kontra demokrasia di Merka”.
E promé minister di Ulanda Mark Rutte a bisa ku e akontesimentunan na Washington ta “horibel” i a pidi Trump pa reonose ku Joe Biden lo bira e futuro presidente di Merka.
