WASHINGTON, MERKA, AFP.- Sostenedónan di Donald Trump a kibra i drenta un seshon di Kongreso djárason, kousando káos i violensia den kurason di e demokrasia merikano i akusashonnan ku e presidente a purba kousa un golpe.
Un ratu despues ku Trump a duna un diskurso, indikando ku e resultado di elekshon tabata froudulento, un persona a kibra barikadanan dilanti di Capitol i a kore drenta paden, i kaminda tin ofisina i salanan legislativo.
Un muhé a muri despues ku el haña bala den Capitol i otronan a resultá herida segun indikashon di polis. Polis a evakuá tur hende for di Capitol tirando gas lakrimógeno pa habri kaminda pa nan por pasa.
Riba imágennan por a mira un sostenedó di Trump sinta den ofisina di e demókrata Nancy Pelosi ku su pia riba esaki su su büró.
Biden a eksihí pa Trump pidi su sostenedónan pa bandoná Capitol na televishon nashonal i kaba ku e rebelion aki. “Nos demokrasia ta bou di atake”, asina el a bisa den su kas na Delaware. “E esenanan di káos aki no ta reflehá loke Merka ta representá”.
Trump a publiká un video pidiendo su sostenedónan a bandoná Capitol pero a reiterá ku tabatin froude den elekshon.
