BAGDAD, AP.- Outoridat irakí a bisa ku nan a risibí un segundo kontingente di 150 irakí di Grupo Estado Islámiko kapturá pa forsa sirio sostené pa Merka.
Forsa Demokrátiko Sirio (FDS) a entregá algun irakí, segun afirmashon di dos funshonario ku a pidi pa keda anónimo debí na restrikshonnan di prensa.
E kombatientenan lo wòrdu interogá riba nan partisipashon ku e grupo yihadista, segun funshonarionan.
FDS a informá na outoridat irakí ku nan a kapturá 650 rebelde irakí den e lucha na Baghouz, un pueblo kontrolá pa EI na ost di Siria, segun fuentenan.
Esaki tabata e promé transferensia importante na Irak.
E promé minister irakí Adel Abdul-Mahdi kier risibí míles di muhé i muchanan irakí ku ta biba na Siria.
