LONDON, REINO, UNI, AFP.- E promé minister britániko Boris Johnson a primintí ku tur adulto lo haña e promé dósis di vakuna kontra COVID-19 promé ku fin di yüli.
Te ainda e gobièrnu su meta ta pa vakuná e pueblo adulto pa promé ku fin di Sèptèmber, despues di a kombertí den e promé pais oksidental ku a lansa su kampaña di vakunashon masivo den desèmber.
Mas o ménos 15 mion persona a haña e promé dósis di vakuna te ku 15 di febrüari. E sifra aki ta inkluí esnan riba 70 aña i personal di salú. Desde e tempu aki, 2,2 mion persona a haña e promé dósis di e vakuna aki.
Reino Uní ta un di e paisnan mas afektá pa e epidemia, ku mas di 120.000 persona ku a muri pa e vírus, ounke e lockdown dekretá na komienso di yanüari a redusí e kantidat di kasonan i hospitalisashon.
