TRONA, CALIFORNIA, MERKA, AP.- E réplikanan di dos temblor fuerte siman pasa ta sigui afektá e desierto di California, pero e probabilidat pa un temblor fuerte a baha, segun sismólogonan.
Servisio Geológiko di Merka a bisa ku e probabilidat pa un temblor riba 7,1 manera esun di siman pasa, ta ménos di 1%, kompará ku e probabilidat pa un temblor di magnitut seis kual ta 6%.
E abitantenan di e komunidat chikitu di Trona a partisipá na un asamblea públiko pa skucha informashon aktual di outoridat tokante labornan di reskate.
KCBS-TV a reportá ku e preokupashon mas komun ta skarsedat di awa.
E estado a entrega diferente trùk ku awa pa bebe. Pero no tin awa pa otro uso manera pa èrko, kual ta un artíkulo nesesario dor di e temperatura haltu den e desierto.
