GINEBRA, SUISA, AFP.- E komisario di Derecho Humano di Nashonnan Uní, Volker Turk, a bisa djaluna ku e ta hopi preokupá ku e kondenanan di mas ku dies aña di prizòn kontra dos abogado na China.
E abogadonan Xu Zhiyong i Ding Jiaxi a keda kondená na 14 i 12 aña di prizòn pa rebelion kontra e poder estatal den dos kaso.
Ambos tabata figuranan di e Movementu Siudadanonan Nobo, un grupo di derecho humano ku tabata pidi pa un reforma konstitushonal i ku tabata kritiká korupshon den gobièrnu.
Xu, kende a pidi pa retiro di presidente Xi Jinping pa e forma kon el a manehá e pandemia di covid, a keda kondená na 14 aña di prizòn despues di un huisio den provinsia oriental di Shandong, segun HRW.
