MOSCOW, AP.- Outoridat elektoral ruso a prohibí kandidatura di e lider opositor Alexei Navalny ofisialmente pa elekshon presidensial.
E Komishon Sentral Elektoral a vota djaluna na fabor di prohibí kandidatura di e aktivista antikorupshon.
Navalny ya tabata práktikamente inválido komo kandidato debí na un proseso penal ku ta wòrdu konsiderá komo un maniobra polítiko, ounke e postulashon por a wòrdu rekonosé si el a haña un lisensia spesial òf si e proseso a wòrdu anulá.
Presidente Vladimir Putin a postulá pa elekshon den mart pa un di kuater periodo, i segun enkuestanan e lo gana.
Navalny a primintí di organisá un kampaña pa bòikotiá elekshon si e no wòrdu permití pa postulá.
