Rusia ta denunsiá mas atake ku drone den su base na Siria

BASE AEREO HAMEIMEEM, SIRIA, AP.- Ekiponan i instalashonnan di defensa aéreo ruso na Siria a deshasí di 45 drone ku esaki tabatin den su mira na su base prinsipal den e pais. Ehérsito di Rusia a agregá djaweps ku un atake di e dia promé, ehekutá pa Estado Islámiko kontra un base ehérsito sitio a laga shete sòldat morto.

E bosero di Ministerio di Defensa ruso, general Igor Konashenkov, a bisa ku sinku di e dronenan a wòrdu retirá ku pistol den e último tres dianan serka di e base aéreo Hemeimeem, den provinsia di Latakia. E base ta sirbi komo e sentro prinsipal pa operashonnan ruso na Siria.

Konashenkov a agregá ku apesar ku e dronenan tabata mustra primitivo, esakinan tabatin un teknologia sofistiká i un rango di 100 kilometer. El a sigurá ku e milisianonan no por tabata kapas i harma un drone asinasina sin yudansa eksterno. E no a spesifiká ken lo por a yuda nan.

E general ruso a agregá ku e kantidat di atake ku drone a oumentá resientemente i tur a wòrdu lansá pa milisianonan basá na e provinsia na nort di Idlib.

Idlib a kombertí den e base prinsipal pa enemigunan di presidente Bashar Assa, kende a muda akinan despues ku nan a wòrdu saká fòrsá di otro áreanan den Siria komo parti di akuerdonan negoshá ku frekuensia pa e rusonan na nòmber di e gobièrnu sirio.