WASHINGTON, AP.- E presidente di kámara di representante Paul Ryan a pone djárason pa vota riba e proposishon migratorio republikano, pero e no tabata masha konfiá ku e inisiativa ta sobrebibí.
Resaltando e posibilidatnan debil ku e medida tin den su kámara, kontrolá pa republikanonan, e kongresista ku ta representá Wisconsin a ninga di respondé preguntanan riba un proposishon diferente, pero mas limitá, kual e republikanonan ta diskutiendo den privá. E inisiativa lo focus riba e asuntu ku a akapará atenshon den último dianan” e separashon di muchanan di nan mayornan migrante na frontera ku Mexico derivá di e polítika di gobièrnu di Trump.
“Si esaki no resultá, nos lo buska alternativanan”, asina Ryan a bisa na reporteronan tokante su preferensia pa focus di purba aprobá un medida mas amplio. “Pero e último kos ku mi kier daña ta un votamentu riba loke ta un inisiativa di akuerdo komun”.
Mayoria konservador kier vota kontra e medida amplio pasó e ta inkluí e posibilidat ku mayoria dreamer, eventualmente ta haña posibilidat di bira presidente i despues nashonalisá. Nan a krítika e klóusula, tachando e di “amnistia”.
E demókrata Chuck Schumer, senador pa New York, a kritiká Trump pa no establesé un proseso pa reuní famianan. Siman pasá, Trump a firma un òrdu ehekutivo kual a revertí su propio polítika atministrativo di separá famianan, pero mayoria mucha ainda ta separá di nan mayornan.
“E gobièrnu mester di un plan mas pronto posibel pa buska un forma kon pa reuní e muchanan i kon pa ehekutá operashonnan na frontera. Nan no tin un plan”, asina Schumer a bisa.
Ryan a elogiá e proposishon republikano di akuerdo komun.
