WASHINGTON, AP.- E senador Bernie Sanders a bisa ku e ta bai hasi kampaña aktivamente pa Hillary Clinton gana presidensia. El a pidi partidarionan di nan kampaña presidensial pa yuda demókratanan pa gana mayoria den Senado.
Sanders a bisa ku e kier buska reelekshon komo senador independiente di Vermont den 2018. E veterano polítiko ta kumpli 75 aña dia 8 di sèptèmber. El a bisa na The Associated Press ku lo tin un desayuno riba Dia di Trabou na New Hampshire. Einan e lo duna su respaldo na Maggie Hassan, e gobernador demókrata ku ta buskando un asiento senatorial okupá pa e republikano Kelly Ayotte.
El a bisa ku e tin plania di hasi kampaña pa kandidatonan demókrata den Senado i kámara di representante den otro estadonan.Sanders a bisa ku Donald Trump ta e kandidato presidensial mas pió ku el a mira den su bida.Sanders a bisa ku Donald Trump ta e kandidato presidensial mas pió ku el a mira den su bida.
