NEW YORK, AP.- Anthony Scaramucci a bisa djaweps ku e yamada telefóniko yen di opsenidat kual a sòru pa su retiro komo direktor di komunikashon di Kas Blanku a wòrdu grabá pa un periodista sin su pèrmit
Scaramucci a usa e hashtag #lowlife, pa deskribí e periodista Ryan Lizza di seminario New Yorker den un tweet djárason anochi.
Durante un entrevista ku Lizza, Scaramucci a insultá trahadónan di Kas Blanku ku lenguahe opseno. E eks finansista di Wall Street a wòrdu destituí dia 31 di yüli despues di apénas 11 dia na e puesto.
New Yorker no a kontestá mesora pa duna deklarashon.
Scaramucci lo realisá un gira pa medionan otro siman. Djadumingu e ta wòrdu entrevistá pa George Stephaopoulus den “This Week” di kadena ABC i djaluna e lo paresé den “The Late Show” di komediante Stephen Colbert.
