WASHINGTON, AP.- E senador demókrata Chuck Schumer a bisa djárason ku ta “eksplorando tur posibilidat legal” kontra e persona ku a pone un dokumento falsu, akusando su persona di intimidashon seksual, den sirkulashon.
Vários medio di prensa a haña e dokumento, ku tabata akusá Schumer di delitonan ku tabata kontené e denunsianan di un eks empleado.
E medio di notisia Axios a bisa ku a papia ku e eks kolaborador, kende a bisa ku e akusashon tabata falsu i ku a falsifiká su firma.
E ofisina di Schumer a pidi Polis di Kapitolio pa investigá e asuntu.
“E dokumento ta unu falsifiká i tur denunsia ta falsu. Nos a entregá esaki na Polis di kapitolio i nos a pidi un investigashon riba esaki”, asina e bosero di e senador, Matt House a bisa.
Schumer, hefe di su bloke, a bisa na periodistanan ku “tabata un denunsia falsu, falsifiká” i infundá “di komienso te final”.
Ningun medio importante a publiká e historia.
Un siman pasá, e senador demókrata di Minnesota, Al Franken a anunsiá ku e lo renunsiá debí ku vários muhé a akus’é di intimidashon seksual. E representante demókrata John Conyers a renunsiá despues di vários denunsia di abusu seksual.
