WASHINGTON, AP.- Presidente Donald Trump a wòrdu apsolvé di dos akusashon di su huisio polítiko. El a wòrdu akusá ku abusu di outoridat i opstrukshon di Kongreso. Esaki ta kulminá e di tres proseso di e tipo aki den historia di Merka.
E resultado ta pone fin na vários luna di un huisio polítiko ku e presidente di Kámara di Representante, Nancy Pelosi a inisiá. Senado a kulminá e proseso aki, reflehando e divishon profundo den e pais durante Trump su terser aña di mando.
Trump a pronostiká su eksonerashon i a usa e veredikto komo un himno polítiko den su kampaña di reelekshon. E presidente a sigurá tambe ku e no a hasi nada robes.
Solamente un republikano, Mitt Romney, a vota pa destitui Trump.
