MATI, AP.- Mas di 2.000 kas a wòrdu destruí den un kandela di mondi fatal di e siman aki serka di Atenas i mas o ménos un kuart parti di esaki lo wòrdu bashá abou, segun indikashon di funshonarionan griego djabièrnè. Mas detaye a wòrdu revelá den e desaster ku a generá krítikanan kresiente di gobièrnu.
Miéntras e saldo di morto a yega 86, e Ministerio di Infrastruktura a bisa di a inspekshoná mas o ménos 2.000 kas daña den e área di Rafina, 30 kilometer na ost di e kapital.
Forense di e estado a kompletá outopsia di tur e kadavernan haña te ainda. Nikos Karakoukis, e hefe di Departamento Forense di Atenas, a bisa ku e análisis a revelá e restunan di tres persona mas.
“Tin fragmento di wesunan atribuí na mas persona, oumentando e saldo na 86”.
Polis federal di Alemania a manda un ekipo di spesialista forense pa yuda den e proseso.
Apesar di e oumento diario di e saldo di morto, funshonarionan di gobièrnu griego a ninga di rekonosé e krítikanan, inkluyendo akusashonnan di mal planifikashon pa emergensia promé ku e temporada anual di kandela di mondi den e pais.
Djabièrnè, e promé minister Alexis Tsipras a purba kalma e krítikanan aki.
