ROTTERDAM.- Outoridatnan a sera ámbos banda di e ‘Heinenoordtunnel’ riba A29. A será e túnel despues di un aksidente nèt promé ku mèrdia na Ulanda i te ainda e túnel ta será. Tin sinku persona ku a resultá herida den e aksidente aki. Informashon polisial ta bisa ku tres trùk di karga lo a dal den otro.
Funshonarionan di Rijkswaterstaat ta informá ku aki ratu lo habri e parti di e túnel ku ta bai direkshon di Rotterdam. Pa loke ta trata e parti di e túnel direkshon pa Numansdorp si e trabounan ta bai tuma mas tempu. Ta hasiendo investigashon profundo. Komo konsekuensia di esaki mester dirigí tráfiko pa otro sitionan loke ta motibu di hopi filanan di tráfiko tur kaminda. Riba A16 direkshon Breda ta topa ku mas tráfiko pegá ku tur otro parti.
