WASHINGTON, MERKA, AFP.- Un kantidat grandi di migrante a manifestá dilanti di Kas Blanku na Washington i otro siudatnan di Merka i míles a disidí di no traha esaki komo kontesta na un konvokatorio riba Tik Tok pa pidi un reforma migratorio di presidente Joe Biden.
Gritando “Nos no ta un, nos no ta shen, nos ta miónes, konta nos bon”, òf tambe “Kiko nos ke? Siudadania awor awor awor”, asina kantidat di migrante mei di un friu basta pisá a sali kaba pa bisa Biden ku nan ta sinti nan desepshoná i nan ke pa kumpli ku e promesa den kampaña elektoral. Asina Carlos Eduardo Espina un influensiado ku a konvoká e protesta riba ret sosial a bisa na AFP.
“Presidente lanta, e hendenan ku a hiba e pais aki dilanti durante di COVID, ku a kultivá e tera i a hiba kuminsá riba mesa, e muhénan ku a kuida muchanan, ansianonan, esnan ku a traha den limpiesa den tiendanan den konstrukshon, trahadónan doméstiko” ke pa rekonosé nan, asina Lenka Mendoza tabata grita den un mikrofon.
“Ta héroenan ku a traha durante e pandemia i no por permití ku ta sigui lubidá nan”, asina e muhé di orígen peruano a bisa.
