JUCHITAN, MEXICO, AP.- Yudansa i ekiponan di limpiesa a kuminsá yega na Juchitan na sùit di Mexico, dos dia despues di un temblor fuerte ku a kobra bida di 37 víktima den e siudat, mas di mitar di e total nashonal.
Avionnan di karga di gobièrnu a trasladá suministro i sòldatnan a kuminsá distribuí kahanan di kuminda, ounke mayoria residente di e siudat di region Istmo, a keha di e lentitut di operashonnan i e echo ku nan no a haña yudansa ainda.
Ekiponan di sòldat i polisial federal armá a desplegá den bisindarionan pa yuda den e demolishon di edifisionan daña.
E temblor di magnitut 8,1 a laga 65 morto na Mexico, ounke tabatin mas morto na Juchitan.
Un terser parti di edifisio i kasnan a basha den otro òf keda inhabitabel, segun indikashon di presidente Enrique Peña Nieto.
E hospital pafó di e siudat a permanesé den gimnasio di un skol. E temblor a destrosá e hospital. Tur pashènt a wòrdu trasladá pafó i mayoria a wòrdu mandá den otro sentronan médiko si esakinan tabata rekerí atenshon spesial.
Presidente Nieto a bisa ku outoridat ta trahando pa restablesé suministro di awa i kuminda pa proporshoná asistensia médiko na esnan ku mester di esaki. E gobièrnu lo yuda ku rekonstrukshon, segun dirigentenan a primintí.
