LONDON, REINO UNI, AFP.- Tur mucha ingles a bai skol bèk djaluna, segun e gobièrnu ta sigui suavisá e medidanan imponé pa kombatí e pandemia di COVID-19.
Esaki tabata e terser lockdown den e pais ku e keda imponé pa motibu di un variante mas kontagioso, detektá na sùit di Inglatera den desèmber. Desde e temporada aki tur alumno mester a sigui lès online.
Promé minister Boris Johnson a anunsiá fin di Febrüari ku lo habri tur skol mirando ku e infekshonnan i hospitalisashonnan a baha.
“Awe ta un gran dia yen di emoshon”, asina el a afirmá den un rueda di prensa. Esaki ta e promé etapa di suavisashon di e medidanan kual mester ta “kouteloso pero ireversibel”, segun Johnson a sigui bisa.
E promé grupo ku por a bai skol bèk ta alumnonan entre 5 i 11 aña di edat.
Segun e kalènder di gobièrnu, tiendanan no esensial i teras di barnan i restorantnan por habri riba 12 di aprel. pero otro medidanan di e lockdown lo keda vigente sigur te ku 12 di yüni.
