WASHINGTON, MERKA, AFP.- Esnan vakuna kontra COVID-19 por reuní en gruponan chikitu i sitionan será sin usa masker ni respetá distansiamentu sosial, segun indikashon di outoridat di salú di Merka.
Nan por reuní ku personanan no vakuná tambe si nan no tin ningun faktor di riesgo kontra COVID-19, segun indikashon di Rochelle Walenski, e direktor di Sentro pa Prevenshon i Kontrol di Enfermedat (CDC), e agensia prinsipal di salú públiko den e pais. sinembargo esakinan si mester usa un tapaboka i tene distansiamentu sosial.
E gobièrnu ta konsiderá ku un persona ta vakuna despues di dos siman di e di dos dósis den kaso di vakunanan di Pfizer/BioNTech i Moderna òf un dósis den kaso di Johnson & Johnson, segun indikashon di Walensky. Te ainda solamente e tres vakunanan aki ta outorisá den Merka.
