NEW YORK, AP.- Dos sosio di Rudy Giuliani, e abogado personal di presidente Donald Trump, a deklará inosente di hasi donashon ilegal na polítiko i komiténan pa promové nan interes komersial.
Igor Fruman i Lev Parna a wòrdu akusá den un tribunal federal na Manhattan den un kaso ku a lanta duda tokante Giuliano su negoshinan.
Fiskalnan ta bisa ku Parnas i Fruman a hasi e donashon sperando ku e embahador di Merka na Ukrania ta wòrdu desplasá. Giuliani a bisa ku e no tabata na altura di e donashonnan.
E fiskalnan a bisa ku e dos akusadonan a traha ku dos hòmber mas riba un plan pa hasi donashonnan ilegal na kampaña di polítikonan den vários estado den un intento pa haña sosten pa un negoshi nobo di mariwana pa uso rekreativo. Tur akusado den e kaso ta siudadanonan merikano i ta liber bou di fiansa.
