LONDON, REINO UNI, AFP.- Vários persona a wòrdu hinká djasabra anochi den un parke di Reading, na wèst di London. Nan a keda trasladá pa hospital, segun indikashon di polis kende a informá ku a detené e hòmber na e sitio di e suseso.
E agensia PA i e kadena Sky News, kual a sita fuentenan anónimo a indiká ku kisas e akto aki tabata unu terorista, pero polis no a bisa nada tokante esaki.
Agentenan polisial i servisio di reskate a akudí na e parke despues ku un yamada a drenta indikando ku vários persona a wòrdu hinká na Forbury Gardens kasi 7 or di anochi, segun e mesun fuente.
“Algun persona a resultá heridá i a keda transportá pa hospital”.
E agensia PA a bisa ku un hòmber a ataká vários grupo ku a reuní den e parke den oranan di atardi. Polis a pidi tur hende pa stòp di kompartí imágen di e suseso riba internèt i pa manda esaki direktamente pa investigadónan.
