KISSIMMEE, FLORIDA, MERKA, AP.- Un hòmber sospechoso di a mata dos polis na Florida a wòrdu detené algun ora despues den un bar, segun informashon di outoridat.
Everett Miller ta akusá di asesinato premeditá di e polis, Matthew Baxter, kende a fayesé djabièrnè anochi despues di a wòrdu tirá na Kissimmee, na sùit di Orlando. Miller a heridá sargento Sam Howard gravemente, kende a muri djasabra atardi.
E echonan a pasa djabièrnè anochi den un besindario di Kissimmee, notorio pa su aktividat di droga, segun indikashon di e komandante polisial, Jeff O’Dell, den un konferensia di Prensa.
Baxter tabata “tirando un bista” riba tres persona, entre nan Miller, kende a bira violento. Akinan Sargento Howard a akudí pa yud’é. E polisnan no tabatin tempu pa tira bèk. Nan no tabatin kámara na kurpa tampoko.
Otro agentenan a logra haña Miller den un bar i a deten’é akinan. E tabatin un pistol i un revòlver huntu kuné.
