MADRID, Spaña, AFP.- Spaña a dekretá un toke de keda djadumingu i Italia lo sera tur sine i teatro, inkluyendo restorantnan despues di 6 or di atardi. Europa a reportá un kantidat rèkòrt COVID-19 riba e di tres dia konsekutivo.
E presidente spañó Pedro Sanchez a dekretá estado di alarma djadumingu, inisialmente durante 15 dia, pero ku intenshon di ekspandé esaki te na komienso di mei.
E dekreto a kompaña ku imposishon di un toke de keda den e pais kompleto, kuminsando 11 or di anochi te 6 or di mainta, ku eksepshon di islanan Canarias ku ta ménos afektá.
Esaki ta e di dos estado di alarma dekretá den Spaña, despues ku a imponé esaki den mart i ku a dura te ku yüni, inkluyendo un lockdown general di e pueblo pa kontené e promé ola di pandemia, ku a kousa kasi 35.000 morto den e pais.
