BARCELONA, AP.- Riba un di e dianan mas trasendente di historia spañó resiente, Parlamento katalan a vota djabièrnè unilateralmente na fabor di deklará independiente den e region. Gobièrnu di Spaña a kontesta mesora: el a retirá gobernantenan katalan, el a disolvé su Parlamento i a konvoká elekshonnan na Catalonia.
Algun ora despues di e anunsio di outodeterminashon katalan, Senado spañó a outorisá gobièrnu poder konstitushonal spesial pa evitá e separashon.
E gobièrnu konservador di presidente ei gobièrnu spañó Mariano Rajoy a yama gabinete en un reunion urgente anochi, despues di kual el a anunsiá medidanan di emergensia pa evitá e separashon katalan, inkluyendo elekshon regional pa 21 di desèmber.
Den Barcelona, e kapital regional di Catalonia, e anunsio na televishon di Rajoy a wòrdu risibí ku desaprobashon pa e multitut ku a reuní priva den palasio di Gobièrnu pa selebrá e medida independista di Parlamento.
Tribunal Konstitushonal di Spaña i e gobièrnu spañó a bisa ku e proposishon di separashon ta ilegal.
Ademas, Rajoy a bisa ku e lo sera e ofisinanan di e gobièrnu katalan den estranhero i lo retirá e hefe di polis regional katalan, inkluyendo representantenan di gobièrnu regional den Madrid i Bruselas, kaminda e sede di Union Europeo ta.
