NEW YORK, MERKA, AFP.- E studiante CEO di un kompania enkargá ku distribushon di vakunanan di Corona vírus den Philadelphia atmití djaweps ku el a duna algun di su amigunan e dósis, kousando kritiká mirando ku ya tin problema ku suministro di e vakunanan den Merka.
Philadelphia su gobièrnu lokal ta usa Philly Fighting Covid, un grupo fundá pa Andrei Doroshin di 22 aña den 2020, pa distribuí míles di vakuna di COVID den parti ost di e siudat.
E grupo ta hunga un ròl grandi den e bataya kontra Corona vírus den Philadelphia, pa motibu ku a partisipá den pruebanan i despues organisá e promé sentro di vakunashon. Philly Fighting Covid a vakuna kasi 7.000 persona, spesialmente trahadónan di salú ku a haña prioridat den e programa di vakuna.
Pero Doroshin a atmití ku el a bai kas ku algun di e vakunanan aki i inyektá kuater amigu di dje, apesar ku nan no tabata trahadónan di salú.
El a defendé e akto aki bisando ku e dósisnan lo a kaduká i ku no a haña niun hende den gruponan di riesgo haltu pa duna e vakunanan.
