WASHINGTON, MERKA, AFP.- Tres variante di Corona vírus, detektá inisialmente den Reino Uni, Suráfrika i Brasil a keda deskubrí den 14 pais di Amérika, segun informashon di Organisashon Panamerikano di Salú (OPS).
Argentina, Brasil, Canada, Chile, Cuba, Ecuador, Merka, Jamaica, México, Panama, Perú, República Dominicana, Saint Lucia i Trinidad i Tobago a reportá por lo ménos un di e tres mutashonnan aki di e vírus di SARS-CoV-2, segun último aktualisashonnan di epidemiologia di OPS, e ofisina regional di Organisashon Mundial di Salú.
OPS a bisa ku segun dokumentonan resien, esnan infektá ku e variante britániko “tin mas riesgo di muri kompará ku esnan infektá ku oro variantenan”.
