WASHINGTON, AP.- Dos empresario di Florida ku tin laso ku Rudy Giuliani i kende ta vinkulá ku e investigashon relashoná ku Ukrania, a wòrdu arestá purbando di sali Merka. Nan a wòrdu akusá di violá leinan di finansiashon di kampañanan polítiko. E kargonan ta relashoná ku un donashon di 325.000 dòler na un komité di akshon polítiko ku ta sostené Trump su reelekshon.
Outoridat a arestá Lev parna i Igor Fruman pa gaña den nan deklarashon dilanti di Komité Federal Elektoral, falsifiká dokumentonan, entre otro. Fiskal federal Geoffrey Berman a bisa na periodistanan djaweps ku e dos empresarionan tabata na punto di subi un buelo internashonal for di Virginia, na momentu ku nan a wòrdu arestá djárason anochi. E destinashon final di e sospechosonan no a wòrdu dibulgá.
E dos hòmbernan, aresta na Aeropuerto Internashonal Dulles a paresé den un korte federal na Virginia. Tin dos akusado mas den e kaso.
