BRASILIA, BRASIL, AFP.- Outoridatnan brasilero a pèrta bara relashoná ku èks presidente Jair Bolsonaro, ku e outorisashon pa investig’é bou di sospecho di tabata tras di e situashon di 8 di yanüari na Brasília, algu ku el a nenga.
Un wes di tribunal supremo a determiná ayera pa inkluí riba petishon di fiskal, e lider ultra derechista den e investigashon ku ta buska pa determiná e instigashon i outor intelektual di e invashon i sakeo di e sedenan di podernan públiko e dia ku iskierdista Luiz Inacio Lula a kumpli un siman den presidensia.
Djadumingu, míles di simpatisadó di Bolsonaro kendenan durante di hopi aña a sembra duda riba e transparensia di e sistema elektoral ku a hib’é na presidensia na 2018, a invadí korte supremo, kongreso i presidensia.
E fiskalnan a destaká den nan petishon un video ku e èks mandatario a subi riba ret sosial dia 10 di yanüari, dos dia despues di e atake, kuestionando e resultado elektoral di òktober.
