LIMA, PERU, AFP.- E yamada pa sera Kongreso pa e salida di presidente Dina Boluarte a ekstendé te ku djabièrnè na Perú i e protestanan a yega te Lima, miéntras ku e gobièrnu a pèrdè tres minister i e blokeonan di ruta ta kontinuá na sùit di e pais afektando e turistanan den e siudat di Cusco, i tres pa Machu Picchu.
Perú ta biba su di 10 dia konsekutivo di manifestashonnan despues di e tregua di fin di aña i a lanta ku Arequipa, e di dos siudat di e pais i kuna di revolushonnan, praktikamente blòkia i sin komunikashon na tera ku regionnan bisiña di Cusco i Puno.
E protestanan violento ku a kuminsá sinku siman pasá a laga 42 morto inkluyendo un polis ku a keda kimá bibu, segun e defensor di pueblo.
E situashon a kontinuá tambe ku marchanan nobo na Tacna 1220 kilometer di Lima, pegá ku Chile pais ku a sera temporalmente su paso djaweps despues ku manifestantenan a yega serka di e kompleho di frontera peruano di Santa Rosa, asina outoridatnan chileno a informá.
