CARACAS, VENEZUELA (AFP).- E dos kolaboradornan dje opositor venezolano Maria Corina Machado, detené pa supuesto aktonan di konspirashon, no tabatin akseso na nan abogadonan, segun a keda denunsiá pa e propio defensa ku ni sikiera tin informashon di nan sitio i kondishon bou di kua nan ta detené.
“Nan a disparsé di manera fòrsá” , segun e abogado Omar Mora Tosta, ku ta representá nan. “Ounke ku fiskal a informá di nan detenshon, nos no sa na unda nan ta detené, nos a pasa tur e sitionan di detenshon pero a bisa nos ku nan no ta na ningun di nan”.
E dirigentenan Henny Alvarez i Dignora Hernandez a keda detené djárason, un dia promé ku a start e periodo di postulashon pa elekshonnan presidensial di 28 di yüli, den kua e presidente Nicolás Maduro lo buska un di tres mandato.
Ministerio Públiko a relashoná nan ku un supuesto plan ku “akshonnan pa destabilisá” ku e meta pa fòrsa ku ta aseptá Machado komo kandidata, mirando ku e tin prohibishon pa ehersé trabounan públiko pa un periodo di 15 aña.
For di kuminsamentu di aña, gobièrnu a denunsiá supuesto plannan di konspirashon, ku a hiba na detenshon di 40 persona, inkluso shete kolaborador di Machado.
Alvarez i Hernandez tampoko tabatin komunikashon ku nan famia, segun abogado, ku tin miedu ku nan lo keda presentá ku defensa públiko manera a sosodé ku otro kasonan di “prezunan polítiko”. I ayera a vense e periodo di 48 ora durante kua nan mester a presentá den korte, segun e e abogado.’
Machado a denunsiá un “represhon brutal” kontra di su ekipo, ku ta eksperensiando e tipo di preshon ku oposishon tin pa definí un kandidato pa representá nan den elekshon presidensial.
