ALGIERS, ALGERIA, AFP.- Bomberonan a logra paga gran parti di kandelanan di mondi ku a mata por lo ménos 38 persona na nort di Argelia, segun indikashon di bomberonan djabièrnè, pero e kandelanan nobo a obligá evakuashon di siudadanonan i tambe mester a serka algun karetera serka di frontera ku Tunesia.
E kandelanan grandi aki a bira normal pa mondinan di Algeria, kaminda kambio di klima ta kousando un sekura prolongá. “Aktualmente nos ta kombatiendo 11 kandela”, asina koronel di defensa sivil Boualem Boughlef a bisa na un korant. El a añadí ku a evakuá mas ku 1.000 famia desde djárason.
E bosero di servisio di bombero, koronel Farouk Achour a bisa djabièrnè mainta ku a logra paga tur kandela, pero mas despues e servisio di bombero a tweet ku e kandelanan ta kimando den regionnan na wèst i nortost di Tarf i Skikda.
Desde komienso di yüni, alrededor di 1.240 kandela a destruí 5.345 hèktar di mondi i otro terenonan, segun kolonel Boughlef.
Ministerio di Hustisia a lansa un investigashon despues ku Minister di Interior Kamel Bldjoud a sugirí ku algun di e kandelanan di e aña aki a kuminsá deliberadamente, i outoridatnan a anunsiá djaweps ku a arestá kuater persona.
