MOGADISHU, SOMALIA, AFP.- Kombatientenan di al-Shabaab a ataká un hotèl den kapital somalí, Mogadishu, meimei di un interkambio fuerte di tiru i eksploshon djabièrnè.
E asalto kontra Hotel Hayat a kousa un tiroteo feros entre forsanan di seguridat i hòmbernan armá di e grupo jihad ku ainda ta skonde den e edifisio, segun indikashon di un funshonario di seguridat na AFP.
E grupo vinkulá ku al-Qaeda, ku a ehekutá vários atake mortal kontra e gobièrnu sentral di Somalia durante 15 aña ta responsabel pa e atake.
Ofisialnan di ambulans a bisa ku tres persona a sali heridá, miéntras ku testigunan na e esena a informá ku dos persona a resultá leshoná.
“Nos no tin niun detaye te ainda, pero víktimanan i forsanan di seguridat” ta luchando kontra e hòmbernan ku ta skondí den e edifisio.
E bosero di polis somalí, Abdifatah Adan Hassan a bisa ayera ku forsanan polisial ta atakando e hòmbernan i ku “pronto nan lo wòrdu neutralisá”.
E presidente di Somalia, Hassan Sheikh Mohamud a bisa luna pasa ku pa pone fin na e insurgensia di al-Shabaab, mester di algu mas ku un simpel enfoke militar, pero ku su gobièrnu lo negoshá ku e grupo solamente si esaki ta adekuá.
