BISMARCK, NORTH DAKOTA, MERKA, AP.- E Konstrukshon di e oleodukto Dakota Access a reanudá djamars riba terenonan priva na North Dakota serka di un kampamentu kaminda míles di manifestante pa derechi tribal di indionan ta konsentrá for di un luna pasa. Asina e empresa konstruktor a konfirmá.
Un korte federal a outorisá Energy Transfer Partners di Texas pa reanudá e kontrukshon32 kilometer leu diálogo Oahe, ku ta proveé awa na e reserva di tribu Standing Rock Sioux. Aparte di e trato aki, e konstrukshon di e oleodukto na kasi 2.000 kilometer North Dakota, Illinois ta kasi kla.
E bosero di e empresa, Vicki Granado, a ninga di revelá ki dia lo reanudá e konstrukshon. E zona di trabou ta 30 kilometer di kampamentu Guerero Kòrá, kaminda tin un konsentrashon di desena di manifestante den último lunanan.
Energy Transfer Partners ainda mester di outorisashon di e Maneho di Ingeniero Militar pa traha den un otro parsela di Tera federal serka di lago Oahe. E agensia a bisa djaluna ku no por a duna outorisashon paso ainda ta studiando si mester di reformanan ku normalmente e proyektonan aki ta rekerí pa kumpli ku normanan tribal.
E indigenanan Standing Rock Sioux kier pa para e konstrukshon aki paso ta teme e kontaminashon di su fuente di awa di bebe i ta bisa ku e oleodukto lo krusa santanan tribal antiguo i otro artefaktonan kultural.
