CARACAS, VENEZUELA (AP).- Un temblor fuerte a sakudí venezolanonan i lanta nan for di soño ayera mainta tempran, fòrsando residentenan den e kapital pa evakuá edifisionan bistí den pidjama promé ku solo sali. No tabatin ningun reportahe di hende morto den promé instante.
A trata aki di un temblor ku un magnitut di 5.5 grado riba skala di Richter djis promé ku 5 or di mainta, i esaki a keda registrá ku un episentro hopi serka di e siudat di San Diego, un 165 kilometer na wèst di Caracas, e kapital dje pais. E temblor tabatin un profundidat di 10 kilometer i a ser sintí den shete diferente estado. A registrá tambe ‘aftershocks’ ku un magnitut di 5.0 grado algun minüt di e temblor mes.
E minister di interior Nestor Reverol a duna di konosé ku no tabatin daño mayor òf morto. Fotonan riba medionan sosial a mustra skernan grandi den algun edifisio i murayanan ku a kai i tambe piedranan di e fachada históriko den San Diego, ku ta un suburbio den e di tres siudat mas grandi di Venezuela, ku ta Valencia.
